ਮੈਨੂੰ ਯਾਦ ਹੈ ਮੈਂ ਇੱਕ ਵਾਰ ਪੜ੍ਹਿਆ ਸੀ ਕਿ ਕੁਝ ਲੋਕ ਭਾਸ਼ਾ ਦੀ ਵਰਤੋਂ ਖਿਆਲ ਨੂੰ ਛੁਪਾਉਣ ਲਈ ਕਰਦੇ ਹਨ, ਪਰ ਇਹ ਮੇਰਾ ਤਜ਼ਰਬਾ ਰਿਹਾ ਹੈ ਕਿ ਕਾਫ਼ੀ ਸਾਰੇ ਹੋਰ ਲੋਕ ਇਸ ਨੂੰ ਖਿਆਲ ਦੀ ਜਗ੍ਹਾ 'ਤੇ ਵਰਤਦੇ ਹਨ।
ਕਿਸੇ ਕਾਰੋਬਾਰੀ ਦੀ ਗੱਲਬਾਤ 'ਤੇ ਮਨੁੱਖੀ ਜਾਨਵਰ ਦੇ ਕਿਸੇ ਹੋਰ ਵਿਹਾਰ ਦੀ ਬਜਾਏ ਥੋੜ੍ਹੇ ਅਤੇ ਸਰਲ ਨਿਯਮ ਲਾਗੂ ਹੋਣੇ ਚਾਹੀਦੇ ਹਨ। ਇਹ ਹਨ:
ਕੁਝ ਕਹਿਣਾ ਹੈ।
ਇਸਨੂੰ ਕਹੋ।
ਬੋਲਣਾ ਬੰਦ ਕਰੋ।
ਇਹ ਪਤਾ ਹੋਣ ਤੋਂ ਪਹਿਲਾਂ, ਕਿ ਤੁਸੀਂ ਕੀ ਕਹਿਣਾ ਚਾਹੁੰਦੇ ਹੋ, ਬੋਲਣਾ ਸ਼ੁਰੂ ਕਰ ਦੇਣ ਅਤੇ ਗੱਲ ਕਹਿਣ ਤੋਂ ਬਾਅਦ ਵੀ ਬੋਲਦੇ ਰਹਿਣ ਦੇ ਨਤੀਜੇ ਵਜੋਂ ਕੋਈ ਵਪਾਰੀ ਕਾਨੂੰਨੀ ਮੁਕੱਦਮੇ ਵਿੱਚ ਫੱਸ ਜਾਂਦਾ ਜਾਂ ਮੁਥਾਜ-ਘਰ ਵਿੱਚ ਪਹੁੰਚ ਜਾਂਦਾ ਹੈ, ਅਤੇ ਇਹਨਾਂ ਵਿੱਚੋਂ ਪਹਿਲਾ ਦੂਜੇ ਤਕ ਪਹੁੰਚਣ ਦਾ ਛੋਟਾ ਰਸਤਾ ਹੈ। ਮੈਂ ਇੱਥੇ ਇੱਕ ਕਾਨੂੰਨੀ ਵਿਭਾਗ ਚਲਾਉਂਦਾ ਹਾਂ, ਅਤੇ ਇਸ 'ਤੇ ਬਹੁਤ ਸਾਰੇ ਪੈਸੇ ਖ਼ਰਚ ਹੁੰਦੇ ਹਨ, ਪਰ ਇਹ ਮੈਨੂੰ ਕਾਨੂੰਨ ਦੇ ਕੋਲ ਜਾਣ ਤੋਂ ਬਚਾਉਣ ਵਾਸਤੇ ਹੈ।
ਜਦੋਂ ਤੁਸੀਂ ਕਿਸੇ ਕੁੜੀ ਨੂੰ ਮਿਲ ਰਹੇ ਹੋ ਜਾਂ ਡਿਨਰ ਤੋਂ ਬਾਅਦ ਦੋਸਤਾਂ ਨਾਲ ਗੱਲ ਕਰ ਰਹੇ ਹੋ ਤਾਂ ਐਤਵਾਰ ਦੇ ਸਕੂਲੀ ਸੈਰ-ਸਪਾਟੇ ਵਾਂਗ ਗੱਲ ਕਰਨਾ ਸਹੀ ਹੈ, ਜਿਸ ਵਿੱਚ ਫੁੱਲ ਚੁੱਕਣ ਲਈ ਠਹਿਰਾਉ ਆਉਂਦੇ ਹਨ; ਪਰ ਆਫ਼ਿਸ ਵਿੱਚ ਤੁਹਾਡੇ ਵਾਕ, ਡੰਡਿਆਂ ਦੇ ਵਿਚਕਾਰ ਸਭ ਤੋਂ ਛੋਟੀ ਸੰਭਵ ਦੂਰੀ ਹੋਣੇ ਚਾਹੀਦੇ ਹਨ। ਮੁਖਬੰਧ ਅਤੇ ਭਾਸ਼ਣ ਦਾ ਸਾਰ ਛੱਡ ਦਿਉ, ਅਤੇ ਦੂਜੀ ਦਲੀਲ 'ਤੇ ਜਾਣ ਤੋਂ ਪਹਿਲਾਂ ਹੀ ਰੁਕ ਜਾਉ। ਪਾਪੀਆਂ ਨੂੰ ਫੜਣ ਲਈ ਤੁਹਾਨੂੰ ਛੋਟੇ-ਛੋਟੇ ਉਪਦੇਸ਼ ਦੇਣ ਦੀ ਲੋੜ ਹੁੰਦੀ ਹੈ; ਅਤੇ ਡੀਕਨ (ਗਿਰਜੇ ਦੇ ਉਪ ਅਧਿਕਾਰੀ) ਇਹ ਨਹੀਂ ਮੰਨਣਗੇ ਕਿ ਉਹਨਾਂ ਨੂੰ ਖ਼ੁਦ ਵੱਡੇ ਉਪਦੇਸ਼ਾਂ ਦੀ ਲੋੜ ਹੈ। ਭੂਮਿਕਾ ਮੂਰਖਾਂ ਨੂੰ ਅਤੇ ਸਾਰ ਔਰਤਾਂ ਨੂੰ ਦੱਸੋ। ਮੀਟ ਹਮੇਸ਼ਾਂ ਸੈਂਡਵਿਚ ਦੇ ਵਿਚਕਾਰ ਹੁੰਦਾ ਹੈ। ਬੇਸ਼ਕ, ਇਸਦੇ ਦੋਵੇਂ ਪਾਸੇ ਹਲਕੇ ਜਿਹੇ ਮੱਖਣ ਨਾਲ ਕੋਈ ਨੁਕਸਾਨ ਨਹੀਂ ਹੁੰਦਾ ਜੇ ਇਹ ਕਿਸੇ ਅਜਿਹੇ ਆਦਮੀ ਲਈ ਹੈ ਜਿਸਨੂੰ ਮੱਖਣ ਪਸੰਦ ਹੈ।
ਇਹ ਵੀ ਯਾਦ ਰੱਖੋ, ਕਿ ਸਮਝਦਾਰੀ ਨਾਲ ਗੱਲ ਕਰਨ ਨਾਲੋਂ ਸਮਝਦਾਰ ਦਿਖਾਈ ਦੇਣਾ ਵਧੇਰੇ ਆਸਾਨ ਹੁੰਦਾ ਹੈ। ਦੂਜੇ ਵਿਅਕਤੀ ਤੋਂ ਘੱਟ ਕਹੋ ਅਤੇ ਬੋਲਣ ਨਾਲੋਂ ਜ਼ਿਆਦਾ ਸੁਣੋ; ਕਿਉਂਕਿ ਜਦੋਂ ਕੋਈ ਆਦਮੀ ਸੁਣ ਰਿਹਾ ਹੁੰਦਾ ਹੈ ਤਾਂ ਉਹ ਆਪਣੀ ਤਾਰੀਫ਼ ਨਹੀਂ ਕਰ ਰਿਹਾ ਹੁੰਦਾ ਹੈ ਅਤੇ ਉਹ ਉਸ ਵਿਅਕਤੀ ਦੀ ਖ਼ੁਸ਼ਾਮਦ ਕਰ ਰਿਹਾ ਹੁੰਦਾ ਹੈ। ਜ਼ਿਆਦਾਤਰ ਆਦਮੀਆਂ ਨੂੰ ਇੱਕ ਚੰਗਾ ਸ੍ਰੋਤਾ ਅਤੇ ਜ਼ਿਆਦਾਤਰ ਔਰਤਾਂ ਨੂੰ ਲਿਖਣ ਲਈ ਕਾਫ਼ੀ ਸਾਰੇ ਕਾਗਜ਼ ਦਵੋ ਅਤੇ ਉਹ ਸਭ ਕੁਝ ਦੱਸ ਦੇਣਗੇ ਜੋ ਉਹ ਜਾਣਦੇ ਹਨ। ਪੈਸਾ ਬੋਲਦਾ ਹੈ -- ਪਰ ਉਦੋਂ ਤਕ ਨਹੀਂ ਜਦੋਂ ਇਸਦਾ ਮਾਲਕ ਬੜਬੋਲਾ ਨਾ ਹੋਵੇ, ਅਤੇ ਫੇਰ ਇਸਦੀਆਂ ਟਿੱਪਣੀਆਂ ਹਮੇਸ਼ਾਂ ਅਪਮਾਨਜਨਕ ਹੁੰਦੀਆਂ ਹਨ। ਗਰੀਬੀ ਵੀ ਬੋਲਦੀ ਹੈ, ਪਰ ਕੋਈ ਵੀ ਸੁਣਨਾ ਨਹੀਂ ਚਾਹੁੰਦਾ ਕਿ ਇਹ ਕੀ ਕਹਿਣਾ ਚਾਹੁੰਦੀ ਹੈ।